As cinco denominacións de orixe de Galicia
En 2025 sumaban 9.391 hectáreas inscritas e 9.471 viticultores. Van da costa, onde case todo é Albariño, aos vales do interior, onde mandan a Mencía e o Godello. Cada unha ten o seu prego de condicións: que uvas se plantan, canto se vendima e que pode dicir a etiqueta.
- Rías BaixasO Albariño é máis do 96 % da uva que se vendima aquí. Viñedo atomizado en milleiros de parcelas, case sempre en parra e a menos de 300 metros, entre as rías e os vales baixos do Ulla, o Umia e o Miño.4.848 ha · 177 adegas · Albariño, Loureira, Treixadura
- RibeiroPrimeira denominación galega, protexida polo Estatuto do Viño de 1932. Brancos de mestura coa Treixadura como eixe, tintos de variedades case esquecidas e o tostado, un viño doce de uvas pasificadas.1.215 ha · 93 adegas · Treixadura, Godello, Loureira
- Ribeira SacraBancais de pedra que baixan ata o Miño e o Sil, vendima a man por obriga e Mencía en polo menos o 70 % de cada tinto. O Consello Regulador forma parte do CERVIM, a asociación europea de viticultura de montaña.1.253 ha · 93 adegas · Mencía, Brancellao, Merenzao
- ValdeorrasA porta de Galicia polo Sil e o territorio onde se recuperou o Godello. Lousa e granito entre 300 e 700 metros, con clima máis seco e extremo ca o da costa.1.223 ha · 41 adegas · Godello, Mencía, Doña Blanca
- MonterreiA única denominación galega na conca do Douro: o Támega corre cara a Portugal. Veráns calorosos e secos, oscilacións de temperatura moi amplas na maduración e Godello, Treixadura e Mencía como uvas máis plantadas.852 ha · 30 adegas · Godello, Treixadura, Doña Blanca
As cinco, lado a lado
| Denominación | Desde | ha | Viticultores | Adegas | Viño cualificado | Exportado | Uvas con máis peso |
|---|---|---|---|---|---|---|---|
| Rías Baixas | 1988 | 4.848 | 4.949 | 177 | 27,1 millóns l | 30 % | Albariño, Loureira, Treixadura, Caíño Blanco |
| Ribeiro | 1932 | 1.215 | 1.309 | 93 | 7,6 millóns l | 7 % | Treixadura, Godello, Loureira, Albariño |
| Ribeira Sacra | 1995 | 1.253 | 1.878 | 93 | 3,5 millóns l | 6 % | Mencía, Brancellao, Merenzao, Sousón |
| Valdeorras | 1945 | 1.223 | 938 | 41 | 5,4 millóns l | 7 % | Godello, Mencía, Doña Blanca, Merenzao |
| Monterrei | 1992 | 852 | 397 | 30 | 5,3 millóns l | 17 % | Godello, Treixadura, Doña Blanca, Mencía |
Comparar clima, solos e normas · Subzonas · IXP e outras figuras
Fóra das cinco
Galicia ten ademais cinco indicacións xeográficas protexidas de viño, con normas menos estritas e viñedos moi pequenos: xuntas non chegaban a 42 hectáreas en produción en 2025. Van desde o Barbanza e a ría de Betanzos ata o val do Navia, na montaña de Lugo.