Uvas de Galicia
Os pregos galegos autorizan máis de trinta nomes de variedade, pero un mesmo nome pode designar uvas distintas e unha mesma uva pode ter tres nomes. En cada ficha damos o nome co que a rexistra o catálogo internacional de variedades (VIVC) e avisamos cando o nome é ambiguo.
Brancas
- AlbariñoVIVC: AlvarinhoA uva das Rías Baixas, onde supón máis do 96 % da colleita. Madura con moito azucre sen perder a acidez, algo que poucas variedades conseguen.Rías Baixas, Ribeiro, Ribeira Sacra, Valdeorras, Monterrei
- GodelloVIVC: GouveioA uva que Valdeorras recuperou a partir de 1974. Dá brancos con máis corpo ca a maioría dos galegos e aguanta ben a crianza sobre lías e o tempo en botella.Rías Baixas, Ribeiro, Ribeira Sacra, Valdeorras, Monterrei
- LoureiraVIVC: Loureiro blancoMoi aromática, con cheiro a loureiro e flores. É a uva do Rosal, onde dá carácter ás mesturas con Albariño, e a terceira pata de moitos brancos do Ribeiro.Rías Baixas, Ribeiro, Ribeira Sacra, Valdeorras, Monterrei
- TreixaduraVIVC: TrajaduraA uva máis cultivada e representativa do Ribeiro segundo o seu prego. Case sempre en mestura: achega corpo e froita, e deixa a acidez ás súas compañeiras.Rías Baixas, Ribeiro, Ribeira Sacra, Valdeorras, Monterrei
- Caíño BrancoVIVC: Caino blancoUnha branca escasa e serodia, filla de Albariño segundo a análise xenética que recolle o VIVC. Nas Rías Baixas conta para as mencións de subzona.Rías Baixas, Ribeiro, Ribeira Sacra, Monterrei
- TorrontésNome ambiguoUnha uva principal do Ribeiro con identidade xenética difusa: o nome úsase para variedades distintas. En Galicia emprégase sobre todo en mestura.Rías Baixas, Ribeiro, Ribeira Sacra, Valdeorras
- Dona BrancaVIVC: SíriaBranca do interior (Valdeorras, Monterrei e Ribeira Sacra) que o prego de Valdeorras chama tamén moza fresca. Adoita ir en mestura.Ribeira Sacra, Valdeorras, Monterrei
- Branco LexítimoVIVC: Albarín blancoRescatada de viñas vellas, hoxe é a uva recomendada da IXP Betanzos e principal no Ribeiro e na Ribeira Sacra. O VIVC identifícaa co Albarín branco asturiano.Ribeiro, Ribeira Sacra
- LadoUnha das rarezas do Ribeiro: aparece en viñas vellas plurivarietais e en moi poucos viños que a declaran.Ribeiro, Valdeorras
Tintas
- Caíño TintoNome ambiguoUnha familia de tintas acedas e aromáticas máis ca unha soa uva. Habitual nos tintos do Ribeiro e do sur das Rías Baixas.Rías Baixas, Ribeiro, Ribeira Sacra, Valdeorras, Monterrei
- MencíaNome ambiguoA tinta que sostén as denominacións do interior. Base obrigatoria dos tintos da Ribeira Sacra (polo menos un 70 %) e da mención «Mencía» de Valdeorras (polo menos un 85 %).Rías Baixas, Ribeiro, Ribeira Sacra, Valdeorras, Monterrei
- SousónVIVC: VinhãoTinta moi escura e aceda, de polpa coloreada. Dá cor e nervio ás mesturas e cada vez se embotela máis soa.Rías Baixas, Ribeiro, Ribeira Sacra, Valdeorras, Monterrei
- BrancellaoVIVC: AlvarelhãoTinta pálida e perfumada que case desapareceu tras as pragas do século XIX. O prego da Ribeira Sacra lémbraa como unha uva que daba «viños de aguante».Rías Baixas, Ribeiro, Ribeira Sacra, Valdeorras
- MerenzaoVIVC: Trousseau noirA mesma uva ca o Trousseau do Xura e o Bastardo portugués. Tinta delicada de pouca cor, con nomes propios en cada val galego.Ribeiro, Ribeira Sacra, Valdeorras, Monterrei
- EspadeiroNome ambiguoTinta de pouca cor, autorizada en Rías Baixas, Ribeiro e Valdeorras. Vese pouco en etiqueta.Rías Baixas, Ribeiro, Valdeorras
- FerrónVIVC: Manseng noirUnha tinta escasa do Ribeiro e de Valdeorras que o VIVC identifica co Manseng noir do suroeste de Francia.Ribeiro, Valdeorras
- MouratónA Juan García de Arribes con outro nome. En Galicia é secundaria na Ribeira Sacra e en Valdeorras e principal na IXP Val do Miño-Ourense.Ribeira Sacra, Valdeorras
Cadros de cor, en orde: Rías Baixas, Ribeiro, Ribeira Sacra, Valdeorras, Monterrei. Cheo: variedade principal ou autorizada; raiado: secundaria; baleiro: non autorizada.