Mapa do viño galego

Debuxado cos límites municipais do Instituto Xeográfico Nacional e os concellos que cita cada prego. Onde o prego só inclúe algunhas parroquias, o concello aparece raiado: a zona amparada é máis pequena do que parece.

Os puntos negros son adegas con ficha e coordenadas publicadas por elas ou polo seu consello; os ocos, adegas situadas no centro do seu concello. Os puntos grises pequenos saen da listaxe do Consello Regulador da Ribeira Sacra, o único que publica coordenadas.

Ir á lista equivalente

O mapa, en lista

Rías Baixas

Suroeste da provincia de Pontevedra e unha franxa do sur da Coruña, cara aos 42° de latitude norte. Divídese en cinco subzonas: Val do Salnés, Condado do Tea, O Rosal, Soutomaior e Ribeira do Ulla.

Subzonas: Val do Salnés, Condado do Tea, O Rosal, Soutomaior, Ribeira do Ulla

Mar de Frades · Meis
Martín Códax · Cambados
Paco & Lola · Meaño
Palacio de Fefiñanes · Cambados
Santiago Ruiz · O Rosal

Ribeiro

Oeste da provincia de Ourense, onde o Avia, o Arnoia e o Barbantiño chegan ao Miño. Nove concellos completos (Ribadavia, A Arnoia, Castrelo de Miño, Carballeda de Avia, Leiro, Cenlle, Beade, Punxín e Cortegada) e parroquias do Carballiño, Boborás, Ourense, Toén e San Amaro.

Ribeira Sacra

Ribeiras do Miño e do Sil e dos seus afluentes Cabe, Mao, Bibei, Navea e Búbal, entre o sur de Lugo e o norte de Ourense: de Portomarín á Peroxa e dos Peares a Quiroga. Son parroquias de 20 concellos, agrupadas en cinco subzonas.

Subzonas: Amandi, Chantada, Quiroga-Bibei, Ribeiras do Miño, Ribeiras do Sil

Adega Algueira · Sober
Ponte da Boga · Castro Caldelas
Vía Romana · Chantada

Valdeorras

Nordeste da provincia de Ourense, no val do Sil: O Barco de Valdeorras, A Rúa, Vilamartín de Valdeorras, O Bolo, Carballeda de Valdeorras, Larouco, Petín e Rubiá. A Veiga pertence á comarca, pero non á denominación.

Bodegas Godeval · O Barco de Valdeorras
Rafael Palacios · A Rúa
Valdesil · Vilamartín de Valdeorras

Monterrei

Sueste da provincia de Ourense, na comarca de Monterrei, xunto á fronteira portuguesa. O val do Támega, con Verín no centro, e as ladeiras que o rodean forman as dúas subzonas.

Subzonas: Val de Monterrei, Ladeira de Monterrei

Crego e Monaguillo · Monterrei
Gargalo · Verín
Quinta da Muradella · Verín

Indicacións xeográficas protexidas

Barbanza e IriaBoiro, Catoira, Dodro, A Pobra do Caramiñal, Pontecesures, Rianxo, Ribeira e Valga, e parroquias de Lousame, Padrón, Porto do Son e Rois.
BetanzosBergondo, Betanzos, Coirós, Miño e Paderne, e parroquias de Abegondo, Oza-Cesuras (antes Oza dos Ríos) e Sada.
Ribeiras do MorrazoBueu, Cangas, Marín, Moaña, Poio, Pontevedra, Redondela e Vilaboa.
Terras do NaviaNegueira de Muñiz enteiro e parroquias da Fonsagrada (Cereixido, Lamas de Moreira, Monteseiro, San Martiño de Suarna, Vilabol de Suarna, Vilar da Cuíña) e de Navia de Suarna (A Pobra de Navia, Barcia, Castañedo, Muñís, Mosteiro, A Ribeira).
Val do Miño-OurenseParroquias de Amoeiro, Barbadás, Cartelle, Coles, Gomesende, Nogueira de Ramuín, Ourense, Padrenda, O Pereiro de Aguiar, A Peroxa, Pontedeva, Quintela de Leirado, San Cibrao das Viñas e Toén.