Godello

Valdeorras é a súa zona de referencia; tamén é principal en Ribeira Sacra, onde é o branco máis plantado, e está autorizada en Rías Baixas, Ribeiro e Monterrei. En Portugal coñécese como Gouveio.

Maduración temperá. Estivo a piques de desaparecer tras a filoxera e recuperouse co programa REVIVAL, impulsado desde O Barco a partir de 1974.

Aromas habituais

Mazá, pera, pexego, fiúncho e herbas de monte nos viños novos; notas de froito seco e pan cando pasa tempo coas súas lías.

Na lousa de Valdeorras dá viños máis tensos e salinos. Nos granitos da Rúa, Petín ou o Bibei, máis florais. No afloramento calcario do Barco e Rubiá, máis anchos. En Ribeira Sacra e Monterrei a calor do verán fai que madure antes.

Que viños dá

Monovarietal novo, crianza sobre lías en depósito, fermentado ou criado en barrica e fudre, e parcelarios de viñas vellas. Base dos espumosos de Valdeorras (polo menos un 85 %).

Peixes con salsa, polo de curral, cogomelos, queixos cremosos coma o Tetilla. Os de crianza, con arroces e carnes brancas en salsa.